Burgo das Nacións Aula Verde Biblioteca Deportes Informática Sociocultura
Biblioteca | Burgo das Nacións: HITLER vs. STALIN

21/12/2011

HITLER vs. STALIN

ENFRONTADOS POLA HEXEMONÍA EN OCCIDENTE

Os dous ditarores máis importantes do Século XX compartían unha orixe común. Ambos tiñan un pai violento e os dous se revelaron contra a educación relixiosa. Ademáis estaban fóra, social e nacionalmente, das correntes que predominaban en Rusia e Alemaña por seren de diferentes nacionalidades: Stalin xeorxiano e Hitler Austriaco.

Os seus camiños acabaron discurrindo por camiños ben diferentes:

Stalin afiliouse, con 18 anos, ao movemento socialdemócrata ruso e en 1903 púxose no lado da facción bolxevique baixo o mando de Lenin. Acabou sendo o máximo dirixente da Unión de Repúblicas Socialistas Soviéticas e do Partido Comunista da Unión Soviética desde mediados dos anos vinte ata a súa morte en 1953.

Hitler, pola súa banda, foi membro do Partido Nacionalsocialista Alemán dos Traballadores, coñecido como o partido nazi. Estableceu un réxime nacionalsocialista en Alemaña entre 1933 e 1945 que se coñeceu como o Terceiro Reich.

Foi, durante o goberno de Stalin cando a Unión Soviética desempeñou un papel fundamental na derrota da Alemaña nazi na Segunda Guerra Mundial. Tras isto chegou a ser considerada unha superpotencia.

Entre ambos suman aproximadamente 40 millóns de vítimas, segundo os historiadores. Aínda que sabemos que eses datos son sempre oscilantes e dependen, en certa medida, da visión do investigador; non deixan de ser sorprendentes e escalofriantes.